खक्राैला / कैलालीको टिकापुर ९ खक्राैलामा डायमण्ड सफारि प्रा.लि.काे कार्यालयकाे उद्घाटन गरिएको छ ।
उद्घाटन कार्यक्रममा बोल्दै नगरपालिकाका नगर प्रमुख तथा कार्यक्रमका प्रमुख अतिथि रामलाल डगाैरा थारुले कम्पनी स्थापनाले नेपालकाे धार्मिक तथा साँस्कृतिक पर्यटनमा विकास भई नेपाल र भारतकाे आर्थिक र सामाजिक सम्बन्ध मजबुत हुने बताएका थिए ।
यात्रुले सेवासुविधा भोग गर्न चाहने भएकाले यात्रु लाई सोही अनुसारको सेवा दिन कम्पनी लागि पर्नुपर्ने उनको भनाई थियो ।
कार्यक्रमका विशिष्ट अतिथि तथा जानकि गाउँ पालिकाका अध्यक्ष गणेश चाैधरिले सिमानाकामा नेपालीहरु आवतजावत गर्दा बाटोमा विभिन्न सास्ती खेप्ने गरेको र साे सास्ती कम गर्न प्रा.लि.का संचालक अघि सरेर कम्पनी स्थापना गरेको देख्दा आफुलाई खुसी लागेको बताए ।
कम्पनीका संचालक शुरेस खड्काले यात्रुका लागि सुरक्षित र आरामदायी यात्राको लागि कम्पनी संचालनमा ल्याउन पाउँदा आफुहरु खुसी भएको बताए । सिमानाकामा नेपाली र भारतीय यातायात मजदुर बिच केही समय अगाडि देखि कुटपिट हुँदा साे क्षेत्र बाट यातायात सेवा अवरुद्ध भएको छ । साे अवरुद्घ भएको यातायात सहज आवागमन सेवा कम्पनीकाे अगुवाइमा नेपाली र भारतीय सराेकारवाला बिच छलफल पछि सुचारू हुने कम्पनीले जनाएको छ ।
उनले टिकापुरकाे खक्राैला देखि भारतका दिल्ली, लखनउ , हैदरावाद ,देहरादुन ,अयाेध्या, जयपुर ,हरिद्वार सम्म हरेक दिन यात्रुलाइ सेवा प्रदान गरिने बताए । उद्घाटन कार्यक्रममा टिकापुर नगरपालिका वडा नम्बर ८ का वडा अध्यक्ष दिर्घ ठकुल्ला, सामाजिक अगुवा गाेविन्द काइरालाले मन्तव्य राखेका थिए ।
डायमण्ड सफारि प्रा.लि.का अध्यक्ष सर्पराज साउँदकाे अध्यक्षतामा भएको कार्यक्रममा भजनि नगरपालिका उपमेयर राजु तिरुवा,खक्राैला स्थित सशस्त्र प्रहरी बलका प्रमुख डिएसपी ,टिकापुर ९ का वडा अध्यक्ष लाैटन चाैधरि, जानकि गाउँ पालिका वडा नं ४ का अध्यक्ष सुरेन्द्र कठरिया, टिकापुर नगरपालिका कार्यपालिका सदस्य मञ्जु वि. क. प्रहरी चाैकि सत्ति र कालाकुण्डाका प्रमुख ,विअाेपि कालाकुण्डाका प्रमुख , टिकापुर र सत्ति ट्राफिक प्रहरी प्रमुख ,व्यवसायी,नागरिक अगुवा , संचारकर्मि सहभागी रहेका थिए ।
खक्राैला बाट भारतका विभिन्न शहरमा सुरक्षित र आरामदायी यात्रा सहित गन्तव्यमा पुगाउने लक्ष्य सहित कम्पनीको स्थापना भएको बताइएकाे छ ।
समाचार 
